قامت الفنانة صابرين بعمل مداخلة تليفونية دافعت عن نفسها من خلالها مع عمرو أديب ببرنامجه “الحكاية” وقالت: “أنا قلعت التربونة وفيه فرق إني قلعت الحجاب وإني قلعت التربونة”.
مضيفة: “الحجاب أنا مكنتش عملاه وأنا طلعت معاك وطلعت مع الإبراشي ومع كل البرامج وقولت أنا يا جماعة محتشمة، وأنا من يوم ما لبست الباروكة وأنا قلعت الحجاب وأنا دايمًا بقول إني بعمل خطوة وأنا عاملة خطوة بسيطة يمكن تٌقبل ويمكن أكون بعمل حاجة كويسة وقعدت فترة كبيرة كل لما أعمل عمل يسيبوا العمل ويتكلموا عن الباروكة”.
صابرين والباروكة
وأوضحت قائلة: ” وقعدت أطلع في برنامج ويسيبوا كل تاريخي ويتكلموا عن الباروكة وعلى طول شتايم وسب والسوشيال ميديا تعبتني نفسيا، وأنا طول عمري بعمل أدوار محترمة ومربية أولادي تربية محترمة وأنا عمر ما حد اتكلم عني نص كلمة وبقيت بلبس باروكة وإيه اللي عملته غلط في حياتي عشان أتشتم كل شوية وإيه ذنب أولادي إنهم يتشتموا كل شوية ويتسبوا بيا من ناس مش عندهم دين ولا أخلاق”.
